ఓట్ల లెక్కింపు సందర్భంగా (144 సెక్షన్ అమలు) విజయోత్సవ ర్యాలీలు పూర్తిగా నిషేధం 450 మంది పోలీసులతో బందోబస్తు

మున్సిపల్ ఎన్నికల ఓట్ల లెక్కింపు 450  మంది పోలీస్ లతో  పటిష్ట బందోబస్తు

ఓట్ల లెక్కింపు సందర్భంగా రేపు 163 BNSS (144  సెక్షన్ అమలు), విజయోత్సవ ర్యాలీలు పూర్తిగా నిషేధం 

ఎలక్షన్ కమిషన్ ద్వారా జారీ చేయబడిన గుర్తింపు కార్డులు ఉన్న వారిని మాత్రమే లెక్కింపు కేంద్రంలోకి అనుమతి

- జిల్లా ఎస్పీ అశోక్ కుమార్ ఐపీఎస్ 

ప్రజా దండోర న్యూస్ / జగిత్యాల జిల్లా ప్రతినిధి :

మున్సిపల్ ఎన్నికల ఓట్ల లెక్కింపు సందర్భంగా 450 మంది పోలీస్ లతో  పటిష్ట బందోబస్తు ఏర్పాటు చేస్తున్నామని జిల్లా ఎస్పీ అన్నారు. ఓట్ల లెక్కింపు కేంద్రం అయిన SKNR డిగ్రీ కాలేజీ వద్ద ఏర్పాట్లను జిల్లా కలెక్టర్ సత్య ప్రసాద్ ఐఏఎస్ తో కలిసి పరిశీలించారు.

ఓట్ల లెక్కింపు సందర్భంగా ఎలాంటి అవాంఛనీయ సంఘటనలు చోటు చేసుకోకుండా మూడంచెల భద్రత నిర్వహిస్తున్నామని తెలిపారు. ఎలాంటి అవాంఛనీయ సంఘటనలు జరగకుండా  163 BNSS (144  సెక్షన్ అమలు) అమలు చేస్తున్నామని తెలిపారు. ఈ యొక్క 163 BNSS సెక్షన్ రేపు  ఉదయం 6 గంటల నుండి శనివారం  ఉదయం 6 గంటల వరకు అమలులో ఉంటుందని తెలిపారు. ఈ సెక్షన్ అమలులో ఉన్నప్పుడు ధర్నాలు, రాస్తారోకోలు, ఊరేగింపులు, టపాకాయలు కాల్చడం, సభలు, సమావేశాలు, విజయోత్సవ ర్యాలీలు పూర్తిగా నిషేధమని వాటిని నిర్వహించ కూడదని తెలిపారు.

నిబంధనలను ఉల్లంఘించే వారిపై చట్టపరమైన చర్యలు తీసుకుంటామని తెలిపారు..ఓట్ల లెక్కింపు కేంద్రమైన SKNR డిగ్రీ కాలేజీ పరిసర ప్రాంతాలను డాగ్స్ స్క్వాడ్, బాంబు డిస్పోజల్ స్క్వాడ్ తో తనిఖీలు నిర్వహిస్తామని పేర్కొన్నారు. ఓట్ల లెక్కింపునకు హాజరు అయే అభ్యర్థులు, ఏజెంట్లు, నిషేధిత వస్తువుల అయిన అగ్గిపెట్టెలు, లైటర్,ఇంక్ బాటల్స్, పేలుడు కారణం అయే ఎలాంటి  వస్తువులను లెక్కింపు కేంద్రాల్లోకి తీసుకురాకూడదని తెలిపారు మరియు తనిఖీలు చేసే సిబ్బందికి సహకరించాలని  కోరారు. ఎలక్షన్ కమిషన్ ద్వారా జారీ చేయబడిన గుర్తింపు కార్డులు ఉన్న వారిని మాత్రమే లెక్కింపు కేంద్రంలోకి   అనుమతి ఉంటుంది అన్నారు.

ఈ యొక్క కార్యక్రమం లో డిఎస్పి లు రఘు చందర్,రాములు మరియు ఇన్స్పెక్టర్ లు, ఎస్.ఐ లు  పాల్గొన్నారు.