బాంసెఫ్ & రాష్ట్రీయ మూలనివాసి సంఘ్ 13వ తెలంగాణ రాష్ట్ర మహాసభ విజయవంతం 

సామాజిక న్యాయం, సమానత్వం, BC కులగణనపై విస్తృత చర్చ

రాజ్యాంగ విలువలను కాపాడుకుంటూ హక్కుల కోసం సంఘటితంగా ముందుకు సాగాలి

EVMలపై వ్యక్తమవుతున్న సందేహాలకు పారదర్శకమైన సమాధానాలు అవసరం

డా. పేట భాస్కర్, ఎడిటర్ / ప్రజా దండోర న్యూస్ / జగిత్యాల, సెప్టెంబర్ 20:

జగిత్యాల జిల్లా కేంద్రంలోని పొన్నాల గార్డెన్స్ లో ఆదివారం 13వ BAMCEF & రాష్ట్రీయ మూలనివాసి సంఘ్ తెలంగాణ రాష్ట్ర మహాసభను ఘనంగా నిర్వహించారు. BAMCEF రాష్ట్ర అధ్యక్షులు దుబాసి నరేందర్ అధ్యక్షతన జరిగిన ఈ మహాసభకు BAMCEF జాతీయ ఉపాధ్యక్షులు V. V. Jadhav Sahab అధ్యక్షత వహించారు.

రాష్ట్రంలోని వివిధ ప్రాంతాల నుంచి ప్రతినిధులు, కార్యకర్తలు, మేధావులు, విద్యావంతులు, ఉద్యోగులు, విద్యార్థి నాయకులు, యువకులు, సామాజిక చైతన్యవంతులు పెద్ద సంఖ్యలో హాజరై మహాసభను విజయవంతం చేశారు. ఈసందర్భంగా పలు సామాజిక అంశాలపై చర్చించారు.

సామాజిక న్యాయంపై చర్చ

మహాసభలో సామాజిక న్యాయం, సమానత్వం, విద్య, BC కులగణన, జనాభాకు అనుగుణమైన ప్రాతినిధ్యం, రాజ్యాంగ విలువలు, బహుజన సమాజం ఎదుర్కొంటున్న సమస్యలు తదితర అంశాలపై వక్తలు తమ అభిప్రాయాలను వెల్లడించారు. విద్య ద్వారా చైతన్యం పెంపొందించుకోవడం, రాజ్యాంగబద్ధమైన మార్గాల్లో హక్కుల కోసం సంఘటితంగా పనిచేయాల్సిన అవసరాన్ని పలువురు వక్తలు వివరించారు.

ఎన్నికల వ్యవస్థలో EVMలపై వ్యక్తమవుతున్న సందేహాలకు పారదర్శకమైన విధానాలు, ప్రజలకు విశ్వాసం కలిగించే సమాధానాలు అవసరమని మహాసభలో వక్తలు అభిప్రాయపడ్డారు.

“హక్కులు, ప్రాతినిధ్యంపై అవగాహన పెంచుకోవాలి”

ఈ సందర్భంగా వక్తలు మాట్లాడుతూ.. బహుజన సమాజం తమ హక్కులు, ప్రాతినిధ్యం, రాజ్యాంగం కల్పించిన అవకాశాలపై అవగాహన పెంచుకోవాల్సిన అవసరం ఉందన్నారు. BC కులగణన, జనాభాకు అనుగుణమైన ప్రాతినిధ్యం, సామాజిక న్యాయం వంటి అంశాలపై విస్తృత ప్రజా చర్చ జరగాలని పేర్కొన్నారు.

“మన హక్కుల గురించి తెలుసుకోవాలి… మన ప్రాతినిధ్యం గురించి ప్రశ్నించాలి… రాజ్యాంగ విలువలను కాపాడుకుంటూ సామాజిక న్యాయం కోసం సంఘటితంగా ముందుకు సాగాలి” అనే సందేశాన్ని మహాసభలో వక్తలు ఇచ్చారు.

పెద్ద సంఖ్యలో పాల్గొన్న ప్రతినిధులు

ఈ కార్యక్రమంలో రెవెల్లి రవీందర్ (BAMCEF జిల్లా అధ్యక్షులు, జగిత్యాల), సుదీర్ నాగ్, దాస్ రామ్ నాయక్ (LHPs జాతీయ అధ్యక్షులు), అజయ్ బాబు (క్రిస్టియన్ ముస్లిం బహుజన్ అధ్యక్షులు), అడ్వొకేట్ శాంసన్ (ILPA రాష్ట్ర అధ్యక్షులు), రెవెల్లి శంకర్ (BMM రాష్ట్ర అధ్యక్షులు), MD ముఫ్తీ మహమ్మద్ ఫహీమొద్దీన్ (ముస్లిం మోర్చా), ప్రొఫెసర్ ధర్మయ్య, దయ్య రాజారాం జడ్జి, డా. పేట భాస్కర్ (ప్రజా సంఘాల జేఏసీ రాష్ట్ర అధ్యక్షులు), దయ్య రఘువీర్ (BYM రాష్ట్ర అధ్యక్షులు), గోవింద్ నాయక్, రవితేజ (BVM రాష్ట్ర అధ్యక్షులు), మారపాక భీమన్న (BAMCEF ఉపాధ్యక్షులు), ఆకుల బాబు (అంబేద్కర్ సంఘం రాష్ట్ర ఉపాధ్యక్షులు) బర్ల సాయన్న, ఎండి ముజాహిద్ ముస్లిం రైట్స్ వర్కింగ్ ప్రెసిడెంట్  తదితరులు పెద్ద సంఖ్యలో పాల్గొన్నారు.

అలాగే ఉద్యోగులు, విద్యావంతులు, మేధావులు, విద్యార్థి నాయకులు, యువకులు పెద్ద సంఖ్యలో పాల్గొని మహాసభను విజయవంతం చేశారు.